It is no -
 Famylje foto's & filmpkes:Klik hjir (befeilige)
Makke mei:
|
In prachtige jûn... In bomfolle seal, geweldich publyk en de bêste útfiering oan't no ta. Hé buorman! is los!
Ap-art... Fotograaf Hidde Wilko en dan pake oan it fotosjoppen op de kompjûter, dan krije jo aparte foto's. In nije streaming yn 'e fotowrâld: Ap-Art! Klik op de foto foar in fergrutting...
iOS(liep)7...
Fan 'e moarn betiid kaam ik op it heldere idee om de iPad te updaten nei iOS7. Hy lei by it bêd, ik woe der ek noch net ôf, koe moai even. De feroaringen soenen spektakulêr wêze... Mar it duorre nochal en de iPad hie noch wol even wurk.
Al wachtsjend op installatie voltooid dommele ik wat wei.
Samar waard ik wekker en seach in nuveraardich beeld. Hè? Wat hie de iPad in rare achtergrûn krigen... De feroaringen wienen wol hiel bot! Mar doe't ik goed en wol by sûp en stuit wie, seach ik dat dy achtergrûn 'gewoan' de plaat wie dy't by ús yn 'e sliepkeamer hinget. Gelokkich mar. Dy plaat is al sa'n 45 jiere âld! Mar it nije OS is prachtich! Wol even wenne, dat wol. Mar ach, soks giet hurd...
Banner... Nuver, mar altiten meitsje ik wol in flater by in meitsjen fan advertinsjes, posters en stikjes foar de premiêre fan ús nije programma. Faaks binne de flaterkes mar lyts, in punt as soksawat, mar bytiden binne it ek healwize flaters wêr't je fan sizze: hoe krijt hy it foarelkoar! Sa stiet boppepsteande banner op de site fan RTV noardeast Fryslân. Sels ynelkoar knutsele op de âlde kompjûter op ús boppenste sliepkeamer, want op ús nijste PC koe ik dit bannerprogramma net fine. It wurkjen mei dit programma wie al wer even lyn (ien kear yn de 3 jier...) dat ik wie bliid dat ik it lytse bewegende plaatsje ôf hie. Hurd nei de nijsside stjoere, dan koe hy mar pleatst wurde. Nei it wykein seach ik de domme flater. Der stie 29 ynstee fan 28 septimber. Hoe mâl kinne jo it dwaan! Fluch de banner ferbetterje en opstjoere. Mar ek de side fan RTV noardeast Fryslân wurdt beheard troch frijwilligers, dat de oanpassing liet even op him wachtsje. Ach, net ien soe it ûntdekke... Alteast dat tocht ik. Mar doe kaam der in mailtsje...
Hé mannen, Der ûntsie in aardige e-mailwiksel...
Hallo Martin,
Beste Hendrik,
Nei Martin syn lêste mailtsje reagearre ik mei: Het is onze bedoeling om de mensen te laten lachen en dat is ons weer gelukt!
No seach ik fan 'e wike yn de Streekkrant dat der wer in flaterke siet yn de advertinsje foar ús premiêre. Der binne noch gjin reaksjes west. (Ik ferwachtsje oars noch wol ien... ;-) Hawar, mocht de flater ûntdutsen wurde, dan ek mar wer in pear frijkaartsjes...
Freonendei... Ofrûne sneon hienen wy ús jierlikse freonendei. Dit kear yn ús eigen Gaasterlân mei as moetingsplak de teatertún yn Riis. In moaier plakje foar sa'n dei kinne jo je hast net foarstelle. Dan ek noch in moaie fartocht meitsje oer de smoute Luts en hobbelje troch de bosken op in âlderwetske Solex en sa'n dei kin net mear stikken! Dêr kin gjin sompige klaaigrûn tsjin op! Foto's fan dizze prachtige dei kinne fia dizze link besjoen wurde.
Jo kinne dat wol. In buert fol gesellige minsken. Oh sa meiinoar... Buertjûnen, barbeques, doarpsfeesten en gean sa mar troch. Wat kin it noflik wenjen wêze op sa'n buert. Mar is it altiten wol sa gesellich? Klaas en Jehannes libje njonken elkoar. As is it achterelkoar? Bytiden witte se it sels net iens, want harren libben bestiet út it tsjin elkoar harsenskrabjen oer fan alles en noch wat. As der dan ek noch in nuveraardich persoan delstrykt yn harren buertsje, dan is it feest hielendal kompleet... No ja, feest?
Kaarten foar 28 septimber kinne besteld wurde fia: dizze link!
Ja, ja, ja... (2) Dêr wie hy dan, de fideo fan de buert BBQ. It wie wer âlderwetsk gesellich. Mar tink derom, yn dizze film sitte skokkende bylden! (Moat it kameraatsje mar better stilhâlden wurde ;-)
En strún mar even op it youtube as jimme it filmpke fine kinne. De helte fan 'e buert hat him al sjoen. En mear sis ik net. Mei tank oan Jarje.
|
Foar de leafhawwers...
